Experiencias gastronómicas - Santiago dos bos amores

Se credes que “o amor entra polo estómago”, Santiago de Compostela é o lugar ideal para vivir experiencias gastronómicas inesquecibles. Descubrir a cociña atlántica tradicional e contemporánea, ir de petiscos e viños polas rúas, comprar marisco no Mercado de Abastos e levalo a cociñar, “picar” nas terrazas, cear en restaurantes con encanto, e tomar un brunch baixo camelias, nun invernadoiro ou no Casino… son algunhas das nosas propostas para vós.

Pero podedes ir máis lonxe e aventurarvos en obradoiros de cociña, catas de queixo, conservas ou viños, rutas gastronómicas ou sesións de compra e cociña cun chef recoñecido.