Solpores - Santiago dos bos amores - Turismo Santiago de Compostela

Toda a fachada occidental da cidade histórica ilumínase en dourado durante a atardecida. Hai quen di que o nome “Obradoiro” podería proceder, precisamente, da “obra de ouro” que parece a Catedral. Podemos mirar a cidade no seu baño de luz dende o parque da Alameda, ou máis arriba, dende o Monte Pedroso.

Tamén se ven fermosos solpores dende a terraza do Hostal dos Reis Católicos, no Obradoiro; dende a cafetaría do Auditorio de Galicia, xunto ao seu lago; dende o parque de Belvís e Bonaval ou o Monte da Almáciga, para ver as siluetas dos monumentos en contraluz…

En verán, os concertos ao aire libre da Cidade da Cultura de Galicia permiten gozar da música e da luz.