Parques que namoran - Santiago dos bos amores - Turismo Santiago de Compostela

Todos os parques composteláns son evocadores, seguros e integrados na cidade. Escollede para os vosos paseos, fotos, pícnics ou sesións de exercicio entre as estatuas e estanque da Alameda; a mestura de horta de convento e deseño de Bonaval; a vitalidade do Campus Sur universitario; a sombra dos vellos carballos no pazo de San Lourenzo; o labirinto de camelias do Parque de Belvís; os paseos fluviais dos ríos Sar ou Sarela; a misteriosa Finca do Espiño; a magnífica arquitectura contemporánea de Vista Alegre e Música en Compostela… A natureza está na cidade e pode envolvervos.

Probade esta ruta de parques e arquitectura contemporánea con grandes vistas ao centro histórico… Ou subide ao tren verde na Praza do Obradoiro.